| Edhe “specialistët” e Serisë A preferojnë Romën kampione 16.05.2008 |
| Java e fundit e kampionatit italian do të mbyllë përfundimisht “telenovelën” e titullit kampion të Serisë A. Interi dhe Roma janë ngjeshur në vetëm një pikë diferencë. Sa e barabartë paraqitet situata në klasifikim, aq e barabartë duket edhe skema e ndeshjeve të këtyre dy formacioneve. Interi e Roma, javën e ardhshme do të udhëtojnë respektivisht drejt transfertave të Parmës e Katanias, ku do të kenë përballë dy skuadra, të cilat luftojnë për qëndrimin në Serinë A. Fatet e titullit kampion varen nga këto dy sfida, ndonëse zikaltrit kanë një avantazh të vogël kundrejt verdhekuqve. Gjithsesi, preferenca e shumë sportdashësve, por mbi të gjitha e disa prej specialistëve dhe trajnerëve të famshëm italianë është që të shohin Romën e Spaletit, kampione të sezonit 2007-2008 të Serisë A. Arrigo Saki është një prej tyre: “Roma është skuadra që bën futbollin më të bukur në Itali, por njëkohësisht ka treguar se lojtarët e saj nuk janë aspak inferiorë kundrejt milionerëve të Interit”. Renco Ulivieri duartroket kampionatin e skuadrës së Spaletit dhe duket i bindur se këtë sezon, titulli do të shkojë në Romë. “Interi ka dominuar fillimisht kampionatin, por Roma kishte forcën të qëndronte pranë tyre”. Në të njëjtin mendim janë edhe Novelino, Kamoleze, por gjithashtu edhe drejtuesit e skuadrës juventine, duke filluar nga Koboli Xhili, Xhon Elkan e Zhan Klod Blank. |
| |||||||||||||||||||||||
| |||||||||||||||||
| |||||||||||||||||
|
| ||||||||||||||||||||||
| |||||||||
